Athyglisverð yfirlýsing ráðherra

Umhverfisráðherra hefur sent frá sér þá athyglisverðu yfirlýsingu, að stóriðjustefna ríkisstjórnarinnar sé ekki helsti umhverfisvandi heimsins.  Einhvern veginn hefði maður nú búist við slíkri yfirlýsingu úr iðnaðarráðuneytinu, en látum það vera. 

Það þyrfti mikinn sóðaskap til þess að 300.000 hræður næðu að slá heimsmet á þessu sviði.  En óneitanlega minnir yfirlýsingin mig á ökumann, sem tæmir öskubakkann út um bílrúðuna á þeim forsendum, að draslið úr bakkanum muni hvort sem er ekki þekja stóran hluta jarðarinnar.

Það er gott til þess að vita, að stjórnmálamenn skuli hugsa í rökréttu samhengi.

Athugasemdir

[Vilborg Traustadóttir, 8.4.2007 kl. 01:34]

Mér finnst gott að Umhverfisráðherra hugsi út fyrir landsteina Íslands.  Hnattrænt heitir það.  Við verðum að hætta þessu þrugli um endalausa mengun. Leggja okkar af mörkum með okkar endurnýtanlegu orku í stað kola eða annarra jarðefnaorku sem virkilega mengar. Be positive!