Lausn á ljóðagátu

Bestu þakkir fyrir svörin við ljóðagátunni frá í gær.  Rétt svar barst við fyrstu spurnigunni; ljóðið orti Einar Bragi. 

Svarið við annarri spurningunni er, að ort er í minningu Davíðs Stefánssonar frá Fagraskógi, en hann lést snemma árs 1964.

Svarið við þriðju spurningunni er, að ljóðið birtist í 10. árgangi Birtings.  Ekkert útgáfuár er gefið upp í þessu tölublaði, en Birtingur hóf göngu sína árið 1955.  10. árgangurinn hefur því komið út á dánarári Davíðs, 1964.

Í Birtingsútgáfunni er ljóðið nafnlaust.  Það er eina efnið á hægri síðu í opnu, en á vinstri síðunni er mynd af Davíð og undir nafni hans standa orðin „in memoriam".  Fer því ekki milli mála, hvert tilefni ljóðsins er.

Ljóðið birtist síðar, eða árið 1969 í ljóðabæklingi Einars Braga, „Við ísabrot" og þá undir heitinu „Bið", eins og fram kemur í svari Brahims. 

Eysteinn Þorvaldsson fjallar um Einar Braga á „Bókmenntavefnum" og telur ljóðið hafa upphaflega hafa birst þar.  Leiðréttist það hér með.

Athugasemdir

[Jón Valur Jensson, 26.7.2009 kl. 23:15]

Takk, Pjetur minn, fyrir gefandi skemmtun.

Davíð var það, já, og sannarlega mátu hann sumir ekki að verðleikum, en ennþá fleiri meðal þjóðarinnar mátu hann þó að verðleikum.