Hvers á Miðbærinn að gjalda?

Það er búið að rústa norðurströnd Reykjavíkur frá Kirkjusandi í austri og að gömlu höfninni í vestri, með ömurlega ljótum íbúðarblokkum og skriffinnabáknum.  Seinasta skemmdarverkið á þessu svæði er Harpan, sem rís eins og illa brenndur jaxl upp úr hafnarkjaftinum í gömlu höfninni. 

En ýmsum finnst ekki nóg að gert.  Nú vilja slíkir menn reisa spítalabákn á við fjórar Smáralyndir kringum gamla Landspítalann.  Þar með yrði Miðbærinn umkringdur ömurlegum ljótleika á tvo vegu.  Skyldu þeir ekki snúa sér næst að því að klastra upp Berlínarmúrum í Norðurmýrinni og Vesturbænum?

Hvers á gamli Miðbærinn eiginlega að gjalda; hefur hann gert þessum árásarher á fagurt og mennst umhverfi eitthvað til miska?

Athugasemdir

[Hörður Halldórsson, 15.11.2011 kl. 20:59]

Frá Kirkjusandi ? Þú mátt fara lengra í austur . C.a 1970 voru reista skemmur við Vatnagarða meðfram Sæbraut.Þessar skemmur gátu verið hvar sem er ,niðurgrafnar þess vegna.

Viðeyjarsund , var skermað frá borgarbúm að mestu.