Reyksvæðingur, hvað er nú það?

Í fréttum Ríkisútvarpsins í dag, var sagt frá því, að  allt gistihúsa-pláss hefði verið full bókað um páskana, á  „Eyjafjarðarsvæðinu", eins og komist var að orði.  Ég ólst upp á Akureyri fyrstu ár ævinnar og minnist þess ekki, að hafa fyrr heyrt um „Eyjafjarðarsvæðið".  Hins vegar er gjarnan talað um Eyjafjörð og nágrannabyggðir eða nágrannahéruð eða þá Eyjafjörð og nágrenni. 

Orðskrípi eins og „Eyjafjarðarsvæðið", er dæmirgert fyrir firringu tungumáls í borgarsamfélagi.  Rétt eins og sveitamaður eða útlend-ingur, sem hingað kemur, gerir ekki greinarmun á Hafnarfirði og Garðabæ eða Reykjavík og Kópavogi, áttar borgarbúinn sig ekki lengur á muninum á Eyjafirði og Þingeyjarsýslu.  Þá fara menn að tala um „Eyjafjarðarsvæðið", sem getur þess vegna náð yfir Skaga-fjörð og Þingeyjarsýslur, auk Eyjafjarðar.

Þetta er slæm þróun, sem æskilegt væri, að Ríkisútvarpið hamlaði gegn eða eigum við ef til vill að kalla það fólk, sem býr í Reykjavík og næstu byggðum, „Reyksvæðinga"?

Athugasemdir

[Páll S. (IP-tala skráð) 13.4.2009 kl. 20:24]

Tja, mér þætti nú langt seilst að telja Þingeyjarsýslur á ,,Eyjafjarðarsvæðinu", og finnst reyndar líklegast að það hafi verið átt við Eyjafjarðarsýslu, en fréttamaður ekki kunnað við það heiti (enda heyrist það mjög sjaldan, annað en t.d. Húnavatnssýslur), en jafnframt verið ragur við að nota heitið Eyjafjörð yfir alla sýsluna.

[loftur (IP-tala skráð) 13.4.2009 kl. 22:55]

Pétur

Hef búið á Akureyri nokkuð lengi, og tilheyri tvímælalaust Stór-Húsavíkursvæðinu.

[Jón Óskarsson (IP-tala skráð) 16.4.2009 kl. 22:14]

Það virðist vera  stefna RÚV að ráða fréttamenn sem eru gjörsenyddir málvitund (og kannski landafræðiþekkingu).

Sumir hugsa á ensku og þýða svo hugsanir sínar fyrir alþjóð og sumar þær þýðinga eru ekki góðar svo vægt sé til orða tekið.