Pílatus hefur þvegið hendur sínar og flokksins

Jæja, þá er Pílatus búnn að stinga höndunum í vatnslaugina eina ferðina enn.  Og valdi tímann til þess, blessaður karlinn, hefðinni trúr.  Í ljós hefur komið, að Guðlaugur Þór sló á þráðinn til tveggja vina sinna, öðrum í stjórn FL-Group og hinum yfirmanni hjá Landsbankanum og bað þá betla fyrir flokkinn.  Skömmu síðar lögðu umrædd fyrirtæki flokknum til tugi milljóna króna. 

Auðvitað hefur Guðlaugur Þór ekki grænan grun um, hvar vinir hans fengu peninga og hinn nýbakaði Pílatus Sjálfstæðisflokksins tilkynnir flokksmönnum, að nú eigi allir að vera ánægðir.  Hann hefur þvegið hendur sínar og flokksins.

Hvers vegna fæ ég það stundum á tilfinninguna, að stjórnmálamenn treysti því, að almenningur sé ekki alveg með öllu mjalla?

 

Athugasemdir

[Ingibjörg Hinriksdóttir, 12.4.2009 kl. 23:05]

 Góður

[Sigurður Þór Guðjónsson, 12.4.2009 kl. 23:46]

Almenningur er ekki með öllum mjalla.

[Bjarni Kjartansson, 13.4.2009 kl. 00:43]

Þeir vita það mæta vel að fólk er fífl.