Plebbaháttur hjá Kaupþingi

Eitt af því, sem gerði útrásarliðið alltaf aumkunarvert, var plebbahátturinn, sem einkenndi það.  Þetta lýsti sér m.a. í því, að það sló um sig með útlendum nöfnum á fyrirtæknum sínum, eins og það væri eitthvað fínt.  Og nú hefur gamli Búnaðarbankinn, sem til skamms tíma kallaðist Kaupþing, fetað sömu slóðina.  Héðan í frá skal hann kenndur við goðsagnakennt grískt skáld frá 7. öld fyrir Krists burð og kallast Arion.

Hvar skyldu plebbarnir hjá Kaupþingi hafa sloppið í forn-grískan skáldskap?

Athugasemdir

[Helga Kristjánsdóttir, 23.11.2009 kl. 03:31]

 Til Grikklands gátu þeir allt eins sótt Zorba.

[Árni Sveinn (IP-tala skráð) 23.11.2009 kl. 15:16]

Ég tók lán á sínum tíma hjá Búnaðarbankanum, ég er enn að borga af því.  Síðan hét lánveitandi minn Kaupþing Banki, svo KB, svo KB Banki og svo loksins núna Arion.  Hvað ætli lánveitandi minn hafi skipt oft um kennitölu síðan ég tók lán hjá honum? 

En ég er að velta því fyrir mér að hætta að borga þessu fyrirtæki, ég tók ekki lán hjá því, og er þess fyrir utan neyddur til þess að borga skuldir lánveitandans síðan fyrir síðasta kennitöluflakk.

[Arion (IP-tala skráð) 23.11.2009 kl. 15:34]

Sjá:  www.arion.is