„Sameiningartáknið" hefur talað

Nú hefur Ólafur Ragnar Grímsson, forseti, sem heilt prósent þjóðarinnar lítur á sem sameiningartákn sitt, lýst því yfir í símaviðtali í amerískri útvarpsstöð, að gömlu bankarnir á Íslandi hafi haldið sig innan evrópskra reglna áður en þeir fóru á hausinn.

Ef mark væri á manninum takandi, þýddi þetta einfaldlega, að allir þeir, sem nú rannsaka lagalega hlið hrunsins, gætu pakkað saman; „sameiningartáknið" hefur jú talað!

 

Athugasemdir

[Ómar Ragnarsson, 23.9.2009 kl. 20:54]

Fjárhættuspil er bannað á Íslandi en glæfralegt "gamble" íslensku bankanna var fullkomlega löglegt ! Einu sinni var íslenskur stjórnmálamaður sem sagði: "Löglegt en siðlaust."

[Sóldís Fjóla Karlsdóttir, 24.9.2009 kl. 12:10]

Og þetta er forseti Íslensku þjóðarinnar sem talar svona.

[Sóldís Fjóla Karlsdóttir, 24.9.2009 kl. 17:15]

Takk fyrir bloggvináttuna.

[Guðjón Sigþór Jensson, 26.9.2009 kl. 18:22]

Ólafur Ragnar má eiga það að hann er eini ráðamaður þjóðarinnar sem beðist hefur opinberlega afsökunar á þeim mistökum að hafa heillast af því sem útrásarvíkingarnir voru að gera.

Síðar hefur komið í ljós að útrásin byggðist meira og minna á blekkingum.

Þessi framkvæmd olli gríðarlegri þenslu og hafði áhrif á hækkun gengi krónunnar. Það hafði keðjuáhrif sem gekk gegnum allt hagkerfið. Við þessu var varað opg spáð harðri lendingu. Sjálfsagt bjóst enginn við jafnharðri lendingu og raunin varð á en þar skiptir auðvitað mislukkuð einkavæðing bankanna einnig töluverðu.

Þensluáhrif Kárahnjúkavirkjunar greiddi götu braskaranna meðan hágengið var við líði. Allt hagkerfið var meira og minna fjármagnað af lánum sem kallaði á stöðuga endurfjármögnun. Í lánsfjárkreppunni féll fyrsti dómínósteinninn....

Þetta má nefna kennslustund fyrir byrjendur í hagfræði, hinum döpru vísindum.

Getum við skautað framhjá þessum staðreyndum þó þær séu ekki sérlega skemmtilegar?

Mosi