Á að skerða háskólamenntaða stjórnarráðsmenn?

Í hádegisfréttum Ríkisútvarpsins í dag, bárust þau skelfilegu tíðindi, að háskólamenntaðir starfsmenn stjórnarráðsins yrðu, í sparnaðarskyni, skertir um frá 3% og allt upp í 10%. 

Ekki var þess getið í hverju skerðingin yrði fólgin.  En þegar talað er um skerðingu fólks, er jafnan átt við andlegu hliðina.  Ég hugsaði til þess með hryllingi, hvort fækka ætti heilasellum í mannskapnum með vísindalegum hætti.   Þykir nú ýmsum satt best að segja, sem þar sé ekki af miklu að taka.

Í lok fréttarinnar kom þó í ljós, að hér er um að ræða skerðingu á launum þessa fólks, en ekki á því sjálfu.  Vitsmunaskerðing á háskólamenntuðum stjórnarráðsmönnum er því ekki á dagskrá.

En skyldu vera uppi áform á Ríkisútvarpinu, um að gera málfarskröfur til fréttamanna?

Athugasemdir

[Páll A. Þorgeirsson (IP-tala skráð) 5.9.2009 kl. 13:14]

Ég um/Mig frá/Mér til/Mín.  Þannig hefur stór hluti þjóðarinnar hugsað og sumir vart gert sér grein fyrir stöðu þjóðfélagsins enda "starfið ríkistryggt".  Brátt fer "heilasellum" fjölgandi á Austurvelli. 

[Finnur Bárðarson, 5.9.2009 kl. 17:52]

Eða ónefndum líkamshlutum karlpeningsins