Ísland - hæli fyrir glæpamenn?

Í vikunni átti ég erindi til Kaupmannahafnar.  Ég kom heim í dag og á leiðinni frá flugvellinum hlustaði ég auðvitað á fréttir Ríkisútvarpsins.  Þar var sagt frá brasilískum glæpamanni, sem sótt hefur um pólitískt hæli á Íslandi. 

Já, hvar skyldu glæpamenn leita skjóls, ef ekki hér, þar sem stórglæpamenn ganga enn lausir og eru jafnvel á fullu í viðskiptum, tæpu ári eftir að þeir urðu uppvísir af þvílíkum glæpum, að þjóðin er í raun gjaldþrota?

Athugasemdir

[Hörður Halldórsson (IP-tala skráð) 15.8.2009 kl. 23:53]

 Vígð Drangey  "Í því heyrir biskup rödd úr berginu segja: "Vígðu nú ekki meira, Gvendur biskup; einhvers staðar verða vondir að vera." " tilvitnun endar .            Ísland verður kannski nýtt Heiðnaberg þar sem "vondir" fá að vera.

[Finnur Bárðarson, 16.8.2009 kl. 16:47]

Hverslaga þjófélag er það sem leyfir slíkt ?

[Anna Sigríður Guðmundsdóttir, 16.8.2009 kl. 19:18]

Svikalagaþjóðfélag sem ervitt er að leiðrétta.

[Kristinn Snævar Jónsson, 17.8.2009 kl. 10:34]

Ætli þetta sé sú ímynd sem Ísland er búið að fá á sig erlendis, og bloggari gerði að umtalsefni hér næst á undan? Ekki var hún ókeypis ímyndin sú. En, hvað segir máltækið: "Sækjast sér um líkir". Ætli stórglæpamenn úti í heimi hugsi sér gott til glóðarinnar um að flytjast hingað í skjól í meintri lögleysunni, rétt eins og uppgjafanasistar flúðu forðum frá voðaverkum sínum eftir seinni heimsstyrjöldina til Suður-Ameríku? - sem bloggari gerir að athyglisverðu umfjöllunarefni fyrir nokkrum dögum. Það er þá þokkaleg ímynd, eða hitt þó heldur, sem troðið hefur verið upp á þjóðina ofan á allan annan skaða!