Samningaleikþáttur

Það hefur verið nokkuð gaman að fylgjast með leikþætti stjórnmálamannanna og "aðila vinnumarkaðarins" undanfarna daga.  Fjölmiðlar hafa verið uppfullir af æsilegum íþróttafréttum af samningamálum; tekst að semja, eða tekst það ekki. Auðvitað vissu allir, að samið yrði, að svo miklu leyti, sem um eitthvað er að semja.  En það mega þeir eiga, sem staðið hafa á sviðinu í þessari leiksýningu, að ekki eru þeir sviptir kímnigáfu, þegar þeir tala um "stöðugleikasamninga" í landi, þar sem allt er á hverfandi hveli.

 

Sannleikurinn er því miður sá, að fulltrúi Alþjóða gjaldeyrissjóðsins á Íslandi er í raun landstjóri Íslands, rétt eins og ræðismaður Breta í Reykjavík var á árum fyrri heimsstyrjaldarinnar.  Og menn semja ekki um eitt eða neitt, þeir hlýða fyrirmælum landstjórans.

Athugasemdir

[Steinar Immanúel Sörensson, 24.6.2009 kl. 23:36]

Mikið rétt hjá þér hérna þetta er ekkert annað en leiksýning sem sett er upp til að blekkja þjóðina enn einu sinni, mafíu handaband.

[Hörður Halldórsson (IP-tala skráð) 25.6.2009 kl. 10:51]

"Hott hott allir mínir hestar hrópaði  litli Kláus."                                                                

[Þórdís Bára Hannesdóttir, 25.6.2009 kl. 19:42]

Sem betur fer fengum við landsstjóra ekki fór það nú svo vel hjá fyrri landsstjórum :))))