Blogg í skjóli nafnleyndar

Bloggið er fjölmiðill; að vísu ekki eins opinber og dagblöðin eða ljósvakamiðlarnir, en fjölmiðill þó.  Það helgast af því, að við sem sendum bloggið frá okkur, ráðum engu um það, hverjir lesa það og þaðan af síður, hvaða skilning þeir leggja í það. 

Ólíkt öðrum fjölmiðlum, getur fólk brugðist við blogginu þegar í stað, nema sérstakar ráðstafanir séu gerðar.  Stundum eru viðbrögðin í rökréttu samhengi við efnið, stundum ekki, eins og gengur og gerist.  Sumir eru jákvæðir en aðrir neikvæðir.  Og við því er ekkert að gera.  Samt sem áður finnst mér, að gera megi tvenns konar kröfur til þeirra, sem halda úti eigin bloggsíðu, sem og hinna, sem bregðast við bloggi með því að svara.  Fyrri krafan er sú, að fólk skrifi undir nafni og hin síðari sú, að bloggið sé málefnalegt.  Er það til of mikils mælst?

Athugasemdir

[Sæmundur Bjarnason, 24.5.2009 kl. 22:52]

Gallinn við þetta er sá að nafnleynd getur í stöku tilfellum átt fyllsta rétt á sér og ekki er hægt að fordæma hana fyrirfram með öllu. Svipað er að segja með málefnaleikann. Þar geta skoðanir verið misjafnar og einum fundist það málefnalegt sem öðrum finnst alls ekki vera það.

[Baldur Kristjánsson, 24.5.2009 kl. 23:38]

Slákaðu á Pétur.  En þetta er vandamál! En hvort það er til lausn?  kv. B

[Einar Steinsson, 25.5.2009 kl. 10:56]

Nafnleynd getur átt fullan rétt á sér og það geta verið margar ástæður fyrir því að fólk getir ekki tjáð sig frjálslega undir nafni, enda löng hefð fyrir því í t.d. dagblöðum og tímaritum að ákveðnir dálkar séu skrifaðir undir höfundanafni. Ég hef aldrei skilið hvers vegna það þarf að vera eitthvað meira að marka einhverja skoðun sem sett er fram undir rekjanlegu nafni, höfundanafn segir mér oft nákvæmlega jafn mikið og fullt nafn um höfundinn og skoðanir hans.

Ég veit til dæmis nákvæmlega ekkert um Pjetur Hafstein Lárusson þannig að fyrir mér væri nákvæmlega jafn mikið að marka það sem hann skrifar þó að hann myndi skrifa undir t.d. undir nafninu Lykla Pétur. Eina undantekningin sem ég geri á þessari skoðun minni er að ef settar eru fram persónulegar ásakanir af einhverju tagi um nafngreint fólk eiga ásakendur að gera það í eigin nafni en láta það vera ella.

[DoctorE (IP-tala skráð) 25.5.2009 kl. 12:32]

Rugl í þér, málið er þannig að flestum erlendis er ráðlagt að nota ekki nafn... sérstaklega ef tekið er á sumum málum, eins og trúarbrögum.

MBL þvingaði mig út í myrkrið, líklega að kröfu JVJ og annarra krissa..
MBL er með mína kennitölu og alles, það er óraunhæf krafa að setja menn út í myrkrið.
Nafnlaus blogg eru með þeim mikilvægustu í heiminum í mannréttidnabaráttu margra hópa, þeir sem krefjast nafns eru að hindra framgang mannréttinda... mbl hindrar framgang mannréttinda vegna kröfu einhver sem er í kaþólsku barnaníðingskirkjunni, er það ekki frábært

[Jónatan (IP-tala skráð) 25.5.2009 kl. 12:55]

Til að byrja með, þá er það rétt sem að DoctorE segir. Erlendis er oft beint þeim tilmælum til þeirra sem nota blog eða samskiptaforrit eins og irc/icq/aol etc. að nota EKKI eigið/raunverulegt nafn, heldur skálda sér upp gælunafn. Því það getur boðið hættunni heim að gefa upp hver þú ert í raun og veru líki einhverjum illa við það sem þú setur fram.

Einnig langar mig til að benda á að það eru til fleiri blog svæði helduren 'moggabloggið'. Til bloggsíður út um allt þar sem fólk bloggar ýmist undir nafni eða dulnefni.

Það er ekki hægt að gera neina kröfu til fólks um að blogg séu skrifuð undir nafni, né að þau séu málefnaleg. Stundum er þetta bara dægrastytting fólks á öllum aldri að halda úti bloggsíðu.
Bloggin fá lestur/athygli í samræmi við það hversu áhugaverð þau eru. Það er enginn sem neyðir þig til þess að lesa bloggsíður sem þú hefur ekki áhuga á.

Miðlar eins og mbl sem eru með fréttatengd blogg hafa þó fullan rétt á að setja reglur varðandi þau blogg sem að birtast við fréttir eða á aðalsíðu.

Rétt eins og innsendar greinar í morgunblaðið eru skrifaðar undir nafni, eins og greinar í mörg erlend tímarit, þá er það ekki óeðlileg krafa að þau blog sem birtast við fréttir á mbl.is séu skrifuð undir nafni.

Öðrum aðilum, eins og DoctorE, eða mér sjálfum, er fullkomlega frjálst að halda úti blogsíðu, hvort sem það er á moggablogginu eða annarsstaðar, án þess að gefa út fullt nafn. En það er þá ekki hægt að ætlast til morgunblaðið birti blogginn okkar á forsíðunni hjá sér.

Rétt eins og eigendur bloggsíðna geta krafist þess að athugasemdir séu skrifaðar undir nafni. Þá fær þetta fólk einfaldlega ekki athugasemdir frá öðrum einstaklingum. Ég t.a.m. geri aldrei athugasemdir við bloggsíður á mbl þar sem er krafist innskráningar.

[DoctorE (IP-tala skráð) 25.5.2009 kl. 15:25]

Auðvitað má mbl setja hvaða reglur sem er.. rauðhærðir mega ekki tengja í fréttir.
Málið er samt að þetta er brot á mannréttindum, þetta er þrándur í vegi mannréttinda....
Nafnlaus blogg eru enn og aftur þau blogg sem hvað mest hafa komið upp upp um hina ýmsu glæpi, sem þeir hefðu ekki getað gert án nafnleyndar.

mbl er þrándur í götu mannréttinda... það er staðreynd málsins... sem og þeir sem krefjast þess að hafa nafn... af hverju eru kosningar nafnlausar???
Jú það er meðal annars til þess að þeir sem kjósa eitthvað X verði ekki fyrir aðkasti vegn þess.

Bottom læn... á Íslandi reyna menn að hindra mannréttindi, þar eru mbl framarlega í flokk

[Finnur Bárðarson, 25.5.2009 kl. 22:03]

Þar sem við búum ekki í réttarríki er ekki óeðlilegt að fólk gefi ekki upp nöfn

[DoctorE (IP-tala skráð) 26.5.2009 kl. 08:49]

Þú meinar það Finnur... þú ert þá að tala um ríki eins og Kína, er það ekki?
Hættu að bulla drengur... hvað viltu næst, að allir labbi í bænum með nafn og kennitölu á hausnum...

[DoctorE (IP-tala skráð) 26.5.2009 kl. 08:49]

Eða sorry :)... misskilningur að ég held Finnur minn :)