KK góður liðsmaður gömlu Gufunnar

Undanfarna mánuði hefur sá ágæti tónlistamaður Kristján Kristjánsson, KK, tekið þátt í morgunútvarpi gömlu góðu Gufunnar.  Útvarpinu hefur þar sannanlega bæst góður liðsmaður.  Lagaval hans er smekklegt og spjallið milli laganna þægilegt.  Fjölbreytnin í lagavalinu er einnig með ágætum.  Það er t.d. ekki dónalegt, að heyra góða kvæðamenn í útvarpinu.  Hafi KK bestu þakkir.

Athugasemdir

[Jón Tynes (IP-tala skráð) 15.5.2009 kl. 00:29]

Tek undir með þér. Alveg einstaklega ljúfur og hlýr útvarpsmaður

[Sigurður Bogi Sævarsson (IP-tala skráð) 15.5.2009 kl. 09:39]

Mæltu manna heilastur. Ég kveiki alltaf á Rás 1 upp úr kl. 8 á morgnana bara til þess að hlusta á KK sem spilar falleg lög og hefur skemmtilegar sögur að segja um hvert þeirra. Satt að segja finnst mér KK einn besti útvarpsmaðurinn sem er í loftinu nú um stundir og gamla gufan er í allra fremstu röð fjölmiðla. Hún ristir dýpra eins og Ríkisútvarpið auglýsir.

Kveðja,

Sigurður Bogi

[Haraldur Baldursson, 15.5.2009 kl. 18:54]

Vönduð meðhöndlun og virðing fyrir tónlist, tónlistarmönnum og ekki síður hlustendum tryggir KK fyrsta sætið í gæðum. 100% fagmaður

[Birgitta Jónsdóttir, 16.5.2009 kl. 09:19]

sammála öllum sem hafa mælt hér sem og færslunni:)