Flokkur og flokkakerfi í vanda

Vandi Sjálfstæðisflokksins snýst hvorki um einsaklinga né praktísk atriði, eins og það, hver hafi rætt við hvern og hvort hinn eða þessi hafi tekið við tugmilljóna króna greiðslum til flokksins.  Að vísu væri nokkuð fróðlegt að sjá, hvort orkubrask flokksins í borgarstjórn Reykjavíkur og Orkuveitunni, tengist málinu og þá hvernig.  En það er ekki aðalatriðið.  Aðalatriðið er það, að Sjálfstæðisflokkurinn er siðferðilega gjaldþrota. 

Það er rétt sem Bjarni Ben. segir; flokkurinn hefur ekki efni á öðru, en að skila aftur þeim 55 milljónum króna, sem hann þáði frá FL-Group og Landsbankanum.  En þar með er ekki sagt, að hjóli sög-unnar verði snúið við.  Flokkurinn hefur einfaldlega verið afhjúpaður sem spillingarafl.  Að vísu eru þetta engin tíðindi fyrir okkur, sem fylgdumst með því, hvernig t.d. utanríkisstefna Sjálfstæðisflokksins mótaðist áratugum saman af hagsmunum eignstaklinga og viðskipta-hópa.  Sama gilti raunar um Framsóknarflokkinn.  Fyrir þá sem efast, skal bent á skýrslur bandarískra og breskra diplómata um þau mál, allt aftur  til loka síðari heimsstyrjaldar. 

Kratar voru heldur ekki alveg með hreinan skjöld í þeim efnum.  Þeir sáu um dreifingu bandarísks áróðurs í gegnum norræra verkalýðs-hreyfingu.  Og hver lætur sér til hugar koma, að kommúnístar hafi ekki sótt línuna austur að Volgubökkum á þeim árum, sem kalda stríðið var hvað harðast?

Sannleikurinn er sá, að flokkakerfið í þessu landi er meinsemd.  Þjóðin hefur ekki komist af vegna flokkanna, heldur þrátt fyrir þá. En nú er eðlilegt, að menn fylgist grannt með Sjálfstæðisflokknum.  Hann hefur áratugum saman verið flaggskip flokkakerfisins.  Þar um borð hefur kúrsinn verið tekinn; þar liggur megin ábyrgðin og höfuð meinsemdin.

Athugasemdir

[Offari, 10.4.2009 kl. 00:34]

Flokkarnir eru að eyðileggja landið.

[Sjóveikur, 10.4.2009 kl. 12:19]

http://www.icelandicfury.se/video.php

þeir eru kaldir þessir jeppar, ég er nýbúin að fá slummu í eitt auga og svo fæ ég eina strax í hitt, ætli það sé taktík að blinda fólk með hrákaslummum, þetta fer að verða vertíð fyrir gamanleikara, það hlýtur að sjóða á pennum núna hjá skrifurum skemmtiþátta, yeah, vertíð, vertíð,

þetta er frábær grein hjá þér Pjetur, það væri gaman að sjá meira eftir þig um þessi mál og fleiri staðreyndir um tímabilið frá stríðslokum, það er mikið "sniðugt" av að taka, td. í hvaða vasa fóru peningar þeir sem áttu að fara til hreinsunar eftir stríðslok, peningar sem SÞ. réttu Íslendingum og fleiri fórnarlömbum þess hildarleiks (El Grillo er eitt dæmi sem alltí einu var hreinsað eftir að ég spurði um þessa aura) ? 

Besta kveðja, sjoveikur