Dæmigerður framboðslisti

Ég bý í kjördæmi, þar sem landbúnaður og sjávarútvegur eru meðal mikilvægustu atvinnuveganna.  Væri ekki að láta þessa getið, nema vegna þess, að í morgun fékk ég framboðslista í póstkassann hjá mér.  Á þessum lista er vafalaust ágætis fólk, eins og gengur og gerist á svona plöggum.  En það sem vakti athygli mína er atvinna þessara frambjóðenda.  Hvað það varðar er listinn svoa samsettur:

1.  Lögmaður

2.  Ferðaþjónustubóndi/lögmaður

3.  Kennari

4.  Umhverfisefnafræðingur

5.  Nemi

6.  Veiðieftirlistsmaður

7.  Háskólanemi

8.  Grunnskólakennari

9.  Grunnskólakennari

10.  Nemi

11.  Náttúrufræðingur

12  Viðskiptafræðinemi

13.  Tónlistarkona

14.  Viðskiptafræðinemi

15.  Forritari

16.  Kennari

17.  Bókmenntafræðingur

18.  Framhaldsskólakennari

19.  Lífeyrislaunakona

20.  Fr. skiptsjóri/eldri borari

 

Athyglisverður listi, fyrir margra hluta sakir.  Fyrir það fyrsta er hann harla dæmigerður fyrir framboðslista hvaða flokks sem vera skal.  Þá er þess að geta, að hér er um að ræða lista flokks, sem á rætur sínar að rekja til verkalýðshreyfingarinnar.  Verkafólk er þó hvergi að finna á listanum.  Að vísu er þar nafn eins sjómanns, en hann er í heiðurssæti og þess utan skipstjóri á eftirlaunum.

Gefur þetta möguleika til þess að fá þverskurð þjóðarinnar á Alþingi?

Athugasemdir

[Ingibjörg Hinriksdóttir, 7.4.2009 kl. 23:08]

Segðu frá ... hvaðan er listinn?

[Pjetur Hafstein Lárusson, 7.4.2009 kl. 23:12]

Nú ætla ég að vera hrekkjusvín og gefa ekkert upp, enda eru allir framboðslistar, allra flokka sama markinu brendir, hvað starfsgreinar varðar.

Kveðja,

Pjetur

[Ingibjörg Hinriksdóttir, 8.4.2009 kl. 00:06]

Þú ert alveg að drepa mig úr forvitni ... fór á stúfana og sá hvaða flokkur þetta er. Ætla ekki að skemma leyndina fyrir þér!

[alfreð guðmundsson (IP-tala skráð) 8.4.2009 kl. 08:33]

Ég sé varla þörf á því að halda leyndum framboðslista VG í suðurkjördæmi. Sjálfsagt er þetta allt prýðisfólk og mun standa sig snöggt um betur, en kandidatarnir, sem græn-bláa bandalagið býður fram með nýjum andlitum, en undir sama sjálfs-græðgismerkinu, sem fyrr. Erum við ekki öll verkamenn í víngarði drottins. Sé ekki hverju starfsheiti viðkomandi breytir. Ekki það að ég kjósi VG, en þeir eru þó snöggt um meira traustvekjandi en græn-bláa hagsmunabandalagið, þó VG-ingar eigi rætur í gamla Abl.

[Sigurður Sveinsson, 8.4.2009 kl. 08:40]

Ég  er lögmaður eins og Atli Gíslason. Ég hef samt alla tið talið mig venjulegan verkamann. Það sama gildir um Atla. Á menntun hans að koma í veg fyrir að hann verði áfram besti þingmaður okkar sunnlendinga?

[Pjetur Hafstein Lárusson, 8.4.2009 kl. 10:03]

Misskiljið mig ekki, ég er að tala um félagslega þróun, ekki einstaklinga.

[Púkinn, 8.4.2009 kl. 16:05]

Af hverju í ósköpunum ætti Alþingi and vera einhver þverskurður af þjóðinni

Finnst þér t.d. að helmingur alþingismanna eigi að vera með greind undir meðaltali?

Það myndi jú endurspegla þjóðina, ekki satt?

[Þorsteinn Briem, 8.4.2009 kl. 16:50]

Ef Púkinn væri með meðalgreind endurspeglaði hann þjóðina.

[Pjetur Hafstein Lárusson, 8.4.2009 kl. 20:43]

Alþingi er lögjafasamkoma þjóðarinnar.  Því er nauðsynlegt, að það endur-spegli stéttir og hagsmunahópa landsmanna.   Sú hefur ekki verið raunin um langa hríð.  Þess vegna sitjum við uppi með fyrirbæri, sem sjálft kallar sig "stjórnmálastétt".  Í því felst ógnun við lýðræðið. 

[hunterinn (IP-tala skráð) 9.4.2009 kl. 00:52]

6.VeiðieftirLISTMAÐUR.  Beggi frá Hala er snillingur í rituðu máli, en Listamaður??????????'