Þjóðin á grænni grein

Með öðru eyranu hlustaði ég á argaþras stjórnmálamanna í sjón-varpinu í kvöld.  Ég held að þeir hafi verið úr Norðvesturkjördæmi; allt úrvalsfólk.  Hugmyndir þess voru hreint frábærar.  Að vísu varpaði það nokkrum skugga á viðræður þessa sómafólks, að á því mátti heyra, að það væri ekki sammála um neitt, nema það, að vera ósammála.  En þannig eru stjórnmálin; hanaslagur án sýnilegs tilgangs. 

Sá ágæti maður, Jaroslav Hasek, höfundur Góða dátans Sveiks, stofnaði eitt sinn stjórnmálaflokk, sem bauð fram í borgar-stjórnarkosningum í Prag. Ég er ekki frá því, að þetta hafi verið á því herrans ári 1908.  Þessi ágæti flokkur fékk víst lítið fylgi, en kjörorð hans var: Við erum eini flokkurinn, sem mótmælt höfum jarð-skjálftunum í Mexíkó árið 1903.  Má vera, að mig misminni varðandi ártalið og biðst þá velvirðingar á því.  En aldrei, í samanlagðri stjórn-málasögu mannkyns, hefur nokkur flokkur manna komið fram með skýrari og frumlegri stefnu.  Ég ráðlegg íslenskum stjórnmálaflokkum að taka sér þetta til fyrirmyndar.  Að vísu er nokkuð seint í rassinn gripið, að mótmæla umræddum jarðskjálftum í Mexíkó.  En það væri reyndandi, að mótmæla rigningunni í Bergen þann 23. september árið 2004.