Kynslóðaskipti - hvað með það?

Á vissan hátt má segja að kynslóðaskipti hafi orðið í forystuliði beggja þeirra stjórnmálaflokka, sem héldu landsfund um helgina.  68-kynslóðin lagði upp laupana í Samfylkingunni og eldri dama tók við formennsku flokksins.  Og veitti ekki af.  Í Sjálfstæðisflokknum var hins vegar yngt upp í formannssætinu og fer Sjallinn nú mikinn af því tilefni. 

En hefur það í sjálfu sér gildi, að yngja upp í forystuliði flokks?  Ég dreg það stórlega í efa.  Það eru viðhorf stjórnmálamanna, sem máli skipta; ekki aldur þeirra.  Þannig var það ungt fólk, sem leiddi frjálshyggjuna til sigurs í Sjálfstæðisflokknum fyrir aldarfjórungi eða svo.  En stefnan var gömul og úr sér gengin. Hana már rekja aftur til heimsvaldastefnu Breta á 19. öld og raunar enn lengra til baka á spjöldum sögunnar.

Lýðræðishugmyndir nútímans hýsa tæpast ættarveldi miðalda.  Við skulum því vona, að hinn nýi og ungi formaður Sjálfstæðisflokksins sé yngri í anda, en þær hugmyndir, sem fleytt hafa honum til forystu.