Sameina verður lýðræðisöflin

Því miður nenni ég ekki lengur að telja allar þær hreyfingar, sem ætla að bjóða fram í þingkosningunum í vor, lýðræðinu til eflingar.  Það er nokkuð ljóst, að með sama áframhaldi mun engin þessara hreyfinga fá nokkru ágengt.  Sameinaðir stöndum vér, sundraðir föllum vér; svo einfalt er það.

Vilji lýðræðissinnar vinna á flokksræðinu, verða þeir að standa saman.  Eða er lýðræðisástin, sem þeim er svo töm í munni ef til vill aðeins værðarvoð, til að breiða yfir vonir og þrár um eigin frama?  Vilji þeir gera slíkar vangaveltur óþarfar, verða þeir að vinna saman og umfram allt hlusta á fólkið í landinu, ekki bara renna augum yfir skiltin þess á Austurvelli, sem þó er ágætis iðja út af fyrir sig.

Athugasemdir

[TARA, 26.2.2009 kl. 23:53]

Það er alveg ljóst að fólki verður meira ágengt sem stendur saman, heldur en hitt....svo gengur líka betur ef menn sýna virkilegan og einbeittan vilja til að laga það sem aflaga hefur farið. Náungakærleikurinn spillir heldur ekki fyrir.

[Guðbjörg Elín Heiðarsdóttir, 27.2.2009 kl. 09:51]

 Burt með flokkana og valdaklíkuna. Ertu ekki samasinnis  Pjetur Hafstein ?

[Pjetur Hafstein Lárusson, 27.2.2009 kl. 10:47]

Jú, heldur betur Guðbjörg, en það þarf samstöðu til.