Nýr formaður Framsóknar

Sigmundur Davíð Gunnlaugsson má heita götustrákur íslenskra stjórnmála, í þeim skilningi, að hann virðist hafa gengið nánast beint af götunni og sest í formannssæti flokksins.  Það þótti að vísu ekki par gott í gamla daga, að vera götustrákur.  Samt voru þetta oft bragglegustu peyjarnir.  Hvort Sigmundur Davíð reynist nógu sprækur, til að blása lífsanda í maddömu Framsókn á eftir að koma í ljós.  Yfirlýsingar hans í álversmálum vita að vísu ekki á gott.  Það eru einfaldlega ekki viturleg viðskipti, að standa í stórvirkjunum til að geta selt rafmagn á niðursettu verði.

Hitt er svo annað mál, að hugmydnir Sigmundar varðandi borgarskipulag eru að mínu skapi.  Sigmundur Dávíð er alltof óþekkt stærð, til að hægt sé að slá hann af.  Hann þarf að fá tækifæri til að sanna sig - eða afsanna.

Athugasemdir

[corvus corax, 20.1.2009 kl. 00:02]

Hvernig getur Sigmundur verið óþekkt stærð? Maðurinn er skilgetið afkvæmi spillingarinnar í framsóknarflokknum sáluga.

[Brynjar Jóhannsson, 20.1.2009 kl. 06:51]

Mér lýst ágætlega á hann... Hann vill færa flokkin nær miðjunni og gera flokkinn nátturuvænni...Það ber vott um karakter að vera ekki að tala tæpitungulaust heldur að lýsa skoðunn sinni í einu og öllu.

[G. Valdimar Valdemarsson, 20.1.2009 kl. 10:19]

corvus corax hefur ekki fyrir því að bjóða manninn velkomin til starfa og sjá hvað hann hefur fram að færa... það er bara kastað skít... sem bendir til þess að það sé enginn skortur á skít á þeim bænum.   Margur heldur mig sig.

[Sigurður Sveinsson, 20.1.2009 kl. 20:25]

Sæll frændi. Nýi formaðurinn kemur ágætlega fyrir. En spillingunni í framsóknarflokknum verður ekki mokað undir teppið með kjöri á geðþekkum náunga. Verk flokksins eru svo hroðaleg á undanförnum áratug að best væri að jarða hann strax. Þó hann sé í stjórnarandstöðu nú ber hann ekki minni ábyrgð en íhaldið á því hvernig komið er fyrir þjóðinni. Því miður eru kjósendur fljótir að gleyma og framsókn á nægt fé til að lappa uppá ímyndina.