Fjölmenn útför maddömu Framsóknar

Stundum er sagt, að sumum sé svo mikið í mun að vera jafnan í aðalhlutverki hvers leiks, að þeir kjósi helst að vera presturinn, líkið og líkmennirnir í hverri jarðarför.  Hvernig stendur á því, að þetta sótti svona fast að mér, þegar ég horfði á Valgerði Sverrisdóttur í ræðupúlti á flokksþingi maddömu Framsóknar?

Dauðastríð maddömunnar minnir átakanlega að endalok Alþýðubandalagsins hér um árið.  Engu breytir, þótt fréttamenn reyni að gera sér mat úr hugsanlegri „stefnu"  flokksins varðandi Evrópumál.  Hann mun auðvitað ekki taka neina stefnu í þeim málum, enda aldrei stefnufastur verið.  Framsóknarflokkurinn er og hefur lengi verið rekald og gjörsamlega stefnulaust í öllum málum, nema þeim einum, sem lúta að gróða örfárra fjárplógsmanna.  Þess vegna er hann búinn að vera, burt séð frá „Evrópustefnu" og formannskjöri.  „Það vinnur aldrei neinn sitt dauðastríð"  eins og Steinn Steinarr orðaði það í frægu ljóði um öllu sterkara veldi en Framsóknarflokkinn.

 

Athugasemdir

[Sigurður Sveinsson, 17.1.2009 kl. 07:22]

Voðalega geturðu verið nasty út madame. Heyrðirðu ekki hvað Álgerður sagði? Frúin ber enga ábyrgð á einu eða neinu. En eitt er víst að ég ætla ekki að vera við jarðarför framsóknarflokksins. Ég mun fagna heima.

[Pjetur Hafstein Lárusson, 17.1.2009 kl. 08:41]

Eigi skal fögnuð forðas, frændi.

[Jóhann Pétur Pétursson, 17.1.2009 kl. 13:50]

Það verður fróðlegt að fylgjast með hvað þessi "Evrópustefna" Framsóknarflokksins skilar honum. Ég tek undir orð Páls Péturssonar og efast um það að þetta muni trekkja að kjósendur enda veit ég ekki hvaðan þeir ættu að koma.

[Einar B Bragason , 17.1.2009 kl. 14:04]

Senda hana í endurvinnsluna ! og skila sem Krata. Kv EBB

[Sverrir Einarsson, 17.1.2009 kl. 14:28]

Jari það eru takmörk á hvað er hægt að ednurvinna og hvað er óendurvinnanlegt efni, daglega kallað spilli(ngar)efni.