Aldrei ófært á Hellisheiði?

Engin fara þar smámenni, hvar höfðingjarnir ríða.  Nú hefur verið ákveðið á æðri stöðum, að fella niður fæðingarhjálp undir erfiðum kringumstæðum á sjúkrahúsinu á Selfossi.  Að sögn fæðingarlæknis í Reykjavík, er þetta allt í stakasta lagi, vegna bættra samgangna.  Það má því ljóst vera, að yfirmaður hans,  Guðlaugur Þór hefur samið við veðurguðina um það, að aldrei skuli vera ófært yfir Hellisheiði.

Við sem búum fyrir austan fjall og víðar á Suðurlandi erum að vísu dulítið efins um að veðurguðirnir muni efna þetta samkomulag við ráðherra, enda þykja þeir dyntóttir nokkuð.  Það skyldi þó aldrei fara svo, að hagræðing ráðherrans reynist aðeins hagbræðing?

Athugasemdir

[Steini (IP-tala skráð) 9.1.2009 kl. 22:49]

Hvað með Þrengslin?

[Högni Jóhann Sigurjónsson, 10.1.2009 kl. 13:54]

Já og læknirinn enn þeirra, sem og Steini, sem aldrei fara um Suðurland og tala eins og fífl séu því þau vita ekkert um hvað þau eru að tala.

Steini! Svona þér að segja þá er heiðin sjaldnar ófær en Hellisheiðin en aftur á móti eru snjóruðningsmenn nútíðarinnar Aumingjar til vinnu. 

Gleðilegt ár Pjetur yfir til ykkar, við sjáumst orðið svo sjaldan að ég sendi ykkur þessa ósk í tölvu yfir í næsta hús.

[Steini (IP-tala skráð) 10.1.2009 kl. 18:25]

Högni minn, ég fer um Þrengslin á hverjum degi og hef gert í fjölda ára. Á siðustu 5 árum hafa þau aðeins verið lokuð tvisvar sinnum, bæði skiptin í fyrra. Svo lengi sem þú ert ekki að þvælast þarna á jeppa á veturna, þá er færðin ekkert mál.

[, 10.1.2009 kl. 20:49]

Guð láti gott á vita að þetta reynist rétt og veðrið verði sól og blíða héðan í frá.

[Högni Jóhann Sigurjónsson, 10.1.2009 kl. 20:56]

Tvisvar getur verið of Steini þegar eitthvað kemur uppá við fæðingu.

Steini það er óþolandi að menn eins og Guðlaugur og læknisfíflið sem Pjetur vitnar í, skuli láta svona heimsku rúlla yfir tennurnar í sér, við Sunnlendingar erum ekki annars flokks þó svo að þeim og einhverjum fleiri finnist það og ófædd börn okkar Sunnlendinga eiga betra skilið enn að svona sé lagt á borð fyrir þau og foreldra þeirra og það sem meira er að samgöngur hafa bara alls ekkert batnað. 

[Óskar Helgi Helgason (IP-tala skráð) 10.1.2009 kl. 21:57]

Komið þið sæl !

Steini minn ! Og; rétt er, að bæta því við, hvað Högna stórvini mínum láðist, að Þrengslin (Ölvesbraut), eru nú talsverður útúrkrókur, á leiðinni, millum Selfoss, og hinna Reykvízku.

Fannst rétt; að koma þessu að, innbornum Sunnlendingnum, þótt Vest lenzkur sé, að hluta.

Með beztu kveðjum; sem oftar /

Óskar Helgi Helgason, frá Gamla Hrauni og Hvítárvöllum 

[Steini (IP-tala skráð) 11.1.2009 kl. 01:46]

Óskar minn, Þrengslin eru enginn krókur. Þú gerir sömu grundvallarmistök og margir aðrir þegar þú mælir vegalengdina til Reykjavíkur. Þú átt að mæla hana í tíma, ekki kílómetrum. Á veturna er fljótlegra í tíma að fara Þrengslin en heiðina, og þetta vita allir sem fara þarna reglulega á milli.

Annars er ég alveg sammála ykkur varðandi Guðlaug, hann er óviti, ég var bara aðeins að grilla í ykkur því að það er ótrúlega sterkt í mörgum Sunnlendingum að tala alltaf um Hellisheiðina sem einu leiðina í bæinn.

Staðreyndin er hins vegar sú að vegurinn hefði aldrei átt að vera lagður þar yfir til að byrja með. Þjóðvegur eitt átti að fara um Þrengslin og svo meðfram ströndinni austur um, en hin týpíska íslenska hreppapólitík kom í veg fyrir það, og við getum svo reiknað það út hvað það hefur kostað þjóðfélagið í bæði peningum og mannslífum. 

[Óskar Helgi Helgason (IP-tala skráð) 11.1.2009 kl. 02:21]

Komið þið sæl; enn á ný !

Steini minn ! O; jú, víst. Stærstu mistök seinni alda, á Suðurlandi, var brúun Ölves ár, við Selfoss, árið 1891. 

Það ágæta pláss; mun aldrei fylla það skarð, hvað rofið var, með aftengingu  Eyrarbakka kaupstaðar, hver var og hét, um aldir, og; ....... þókt vel sé um Selfysska, marga, munu þeir aldrei standa undir nafni, né það pláss, sem höfuðstaður Sunnlenkra, svo til haga sé haldið. 

Nú ! Ég hefði; getað nefnt eiginleika Mosfellsheiðar, líka sem Krýsuvíkur leiðar; fornrar, sem nýrrar, en, .... sem staðan er í dag, að þá eru þær fornu þjóðleiðir, líka sem hin nýrri Þrengsli, tafsamari, til Reykvízkra, Steini, og ekki hvað sízt, með tilliti til núverandi ástands þjóðvega kerfisins, eins og aldavinur minn; Högni, benti hér réttilega á, að ofan.

Fyrir nú utan; þann stóra vinkil, frá hringtorgi Hveragerðis- og Kotstranda sókna, niður um Ölves, sem leið liggur, vestur Þrengslin, og í Sveinahraun, Steini minn

Með enn; eindrægnari kveðjum, sem fyrr /

Óskar Helgi Helgason 

[Högni Jóhann Sigurjónsson, 11.1.2009 kl. 14:13]

Steini þú ert enn að rugla og umræðan komin langt útfyrir það sem hún upphaflega var um.

Vegurinn um Hellisheiði var sú skynsamlegasta þegar hann var lagður, það var ekki talið fært peningalega og bara verklega séð á þeim tíma að brúa Ölfusárósinn og leiði til Hveragerðis, Laugarvatns, Grímsnes sem leið flestra höfuðborgarbúa liggur til, Selfoss og svo áfram þar austur um er styttri í tíma og lengd um Hellisheiði, ég fer á milli Reykjavíkur og Landsveitar og hef tekið tímann á milli þess að fara heiðina eða Þrengslin og elsku kallinn minn ég fer heiðina.

Hellisheiðin Steini, hefur aldrei truflað neina nema þá sem eru raggeitur en á sama tíma er Þrengslavegur hættulegri í hálku vegna þess hve hann er mjór og sveigður, listaverk vegagerðar ríkisins, en hálkublettir myndast þar í hvörfum svo þessar sömu raggeitur ættu nú bara að hugsa sinn gang og láta sig vaða heiðina og farðu ekki að segja mér að þar séu slysin fleiri og verri, það er allt hægt að mæla og öllu hægt að snú sinni umræðu í vil, umferðin þar er mun meiri og hraðinn þar, aðstæðna vegna, mun meiri og áhættan því mun meiri.

Atvinnu minnar vegna, í gegnum tíðina, Steini hef ég keyrt Suðurlandsveginn mun meira en margir, kannski minna en sumir og hann er mér mjög hugleikinn og til er ég í að ræða um hann hvar og hvenær sem er, enn ég er búinn að vera honum háður þanneiginn að ég hef átt börn sem fæddust á Selfossi og ólust upp í Hveragerði og eru núna á vegunum og eru farin að eiga börn og það kemur bara ekki til greyna að sú lágmarksþjónusta sem verið hefur veitt á Suðurlandi verði gefin eftir, eins og fæðingarhjálp og fyrsta neyðarhjálp, eða að Suðurlandsvegur verði ekki tvöfaldaður og þar með bættar samgöngur sem læknisbjáninn fyrrnefndi heldur að sé búið að framkvæma.