Hafa Klemenssynir verið áminntir?

Eins og mönnum er í fersku minni veittust tveir opinberir starfsmenn að mótmælendum við Hótel Borg á gamlársdag og lögðu hendur á nokkra þeirra.  Kom þetta glögglega fram í sjónvapsfréttum.  Atvikið er því hafið yfir allan vafa.  Annar þessara manna er læknir en hinn hagfræðingur við Seðlabankann.  Þeir munu vera bræður.

 

Nú er það svo, að 14. grein laga um réttindi og skyldur starfsmanna ríkisins, lög númer 70 frá 1996 hljóðar svo:

  

Hann (opinber starfsmaður, innskot mitt) skal forðast að hafast nokkuð það að í starfi sínu eða utan þess sem er honum til vanvirðu eða álitshnekkis eða varpað getur rýrð á það starf eða starfsgrein er hann vinnur við.  (Leturbreyting mín).

 

Nú er það auðvitað lögfræðilegt álitamál, hvort menn þessir hafi orðið stétt sinni til skammar.  Hitt fer ekki milli mála, að virðing þeirra sjálfra hefur tæpast aukist í atgangi þessum.  Það hlýtur því að teljast nokkuð undarlegt, að hvorugur þessara manna virðist hafa fengið áminningu frá yfirmönnum sínum.  Yfirmaður annarrs þeirra er sem kunnugt er Davíð nokkur Oddsson.  Ber að leggja þann skilning í aðgerðaleysi yfirmanna þessara vanstillingarmanna, að þeir telji þá jafnvel menn að meiru, með tilliti til pólitískra skoðana þeirra, sem fyrir pústrunum urðu? 

 

Athugasemdir

[FLÓTTAMAÐURINN, 8.1.2009 kl. 22:59]

Það er pottþétt að það verður ekkert gert í þessu nema einhver kæri háttalag þeirra bræðra og ég get ekki betur séð af myndbandinu af atvikinu að það sé grundvöllur fyrir ákæru gegn þeim.

[Atli (IP-tala skráð) 9.1.2009 kl. 00:16]

Það á ekkert að þurfa að kæra þá, ætti að nægja að senda rökstudda ábendingu til yfirmanna þeirra eða fagfélaga, þar til þeir fá að vita af þessari hegðun (bréflega og eða með annarskonar tilkynningu) þurfa þeir ekkert gera, ekki einu sinni að taka afstöðu. 

Myndböndin ættu að nægja sem rökstuðningur um vanvirðingu og álitshnekki þeirra sjálfra, jafnvel möguleiki að rökstyðja að læknir hafi varpað rýrð á starf sitt með því að veitast að fólki sem var verið að hlúa að, það má kannski láta læknafélagið vita um hegðunina, ég er ekki viss um að þeir séu sáttir.

Annars held ég að aðfarir og orðflaumur þessara sjálfskipuðu riddara andkommúniskra sjónarmiða hafi einfaldlega sýnt okkur "eðlilega" fólkinu hversu veruleikafirrtir, mér liggur við að segja kjánalegir, menn komast að í seðlabanka íslands og mér hryllir einnig við því að læknir skuli koma svona fram við fólk.

[FLÓTTAMAÐURINN, 9.1.2009 kl. 00:24]

Ég, ásamt fjölda annara sendum póst á alþingismenn, Seðlabankan og Landspítalan og gagnrýndum framferði þeirra bræðra. Ég er ekkert að deyja úr bjartsýni að það skili einhverjum árangri.

[Atli (IP-tala skráð) 9.1.2009 kl. 00:38]

Það er ég því miður líka hræddur um að sé rétt og við verðum að sætta okkur við að mennirnir hafi einfaldlega kallað yfir sig þá virðingu sem þeim ber í þjóðfélaginu eftir svona framkomu.

Ég tel reyndar að í starfsumhverfi seðlabanka gætu svona aðfarir og heimskulegar yfirlýsingar jafnvel talist vera jákvæður hlutur en leyfi mér að halda því fram að læknar hvar sem þeir standa í pólitík  séu ekki par hrifnir af kollega sínum.

[Jóna Kolbrún Garðarsdóttir, 9.1.2009 kl. 03:50]

Núna virðist annar þeirra vera farinn að blogga, ekki hef ég trú á því.  Þetta hlýtur að vera einhver sem hefur kennitöluna hans Ólafs.  Ef maðurinn sjálfur er að blogga, er hann stórlega skemmdur. 

[Vilberg Tryggvason, 9.1.2009 kl. 09:24]

Finnst greinaritara að það sem gerðist fyrir utan Hótel borg eigi eitthvað skilt við mótmæli. Mótmæli eru það sem gerist á Austurvelli á hverjum laugardegi um þessar mundir. Þar er mótmælt eins og siðmenntað fólk gerir sé þeim misboðið.

Hótel borgs uppþotin eru gerendum til skammar og verður að teljast heppni að ekki fór verr. Það er lögbrot að hefta lögreglu í starfi, hvað þá að veitast að þeim. Vill einhver stíga fram og segja að það sé rangt að reyna forðast slys á fólki, sér í lagi þegar um skipulagða skemmdarstarfsemi er um að ræða.

[Birgitta Jónsdóttir, 9.1.2009 kl. 10:49]

Guðmundur Klemm ógnaði fólki sem verið var að hlúa að eftir að hafa fengið piparúða í augun - það telst vera brot á þeim læknaeið sem starfar undir - en hann er svæfingarlæknir.

Það sem mér finnst alvarlegast við þetta mál er hin algera þöggun og hvernig Ólafi er veitt uppreisn æru í DV í dag. Í öllum siðuðum samfélögum væru þessir menn látnir taka poka sinn og þetta þætti stórfrétt en ekki á Stóru-Sikiley... 

[corvus corax, 9.1.2009 kl. 11:56]

Það er athyglisvert að á DV-síðunni er vitnað í Ólaf drullusokk Klemensson þar sem hann segist hafa fengið hótanir og ljótan póst á póstfangið sitt og klykkir út með "sjálfur hef ég ekkert brotið af mér". Eins og líklega öll þjóðin hefur séð á myndböndum frá atburðum 30. des. sl. utan við Hótel Borg veitist nefndur Óli skítseiði að nærstöddum, hvort sem þeir voru að mótmæla eða bara áhorfendur á hliðarlínunni, með ógnandi tilburðum og hótunum um líkamsmeiðingar auk þess sem hann lemur unga stúlku í bringuna þannig að hún hrekkur undan. "Ég hef ekkert brotið af mér" segir þessi drulluhali og ég harma enn og aftur að honum skyldi ekki hafa verið sýnt á vettvangi hvar Davíð keypti ölið!