Kröfuharka á hendur utanríkisráðherra

Mér þykir sem ýmsir úr hópi jafnaðarmanna séu heldur kröfuharðir í garð formanns Samfylkingarinnar, Ingibjargar Sólrúnar utanríkisráðherra.  Svo er að sjá, sem þeim þyki jafnaðarmennska hennar heldur klén.  En verður þess krafist, að hún sýni af sér einarða jafnaðarmennsku?

Pólitískar rætur Ingibjargar Sólrúnar liggja í Kvennalistanum.  Sú hreyfing var aldrei baráttuafl til aukins jöfnuðar í samfélaginu, ekki einu sinni meðal kvenna.  Kvennalistinn var pólitískt baráttutæki háskólagenginna miðstéttakvenna.  Það sem hann barðist fyrir var ekki aukinn jöfnuður, heldur hlutdeilt menntakvenna í forréttindum efri laga miðstéttarinnar.  Halda menn að það sé tilviljun, að Aðalheiður Bjarnferðsdóttir gerðist þingmaður Borgaraflokksins en ekki kvennalistans?

Ef Samfylkingin vill standa undir sparinafni sínu, Jafnaðarmannaflokkur Íslands, væri ráð, að félagsmenn hennar leituðu sér forystu í hópi jafnaðarmanna.

Athugasemdir

[TH (IP-tala skráð) 7.1.2009 kl. 22:54]

Þau finna ekki jafnaðarmann í Samfylkingunni lengur - þau þurfa að leit annað!

[Heimir Lárusson Fjeldsted, 8.1.2009 kl. 01:21]

Skörp sýn.

[Haraldur Bjarnason, 8.1.2009 kl. 06:13]

Samfylkingin er taglhnýtingur íhaldsins eins og framsókn forðum. 

[Eiður (IP-tala skráð) 8.1.2009 kl. 13:39]

Sæll og blessaður  Pjetur ,

Gleðilegt ár og takk  fyrir  síðast  í Færeyjunum  góðu og þá  vinarsendingu  sem  þið Hannes  færðuð  Færeyingum. Skilgreining þín á Kvennalistanum  sáluga  er sú besta  sem ég  hef séð. Hittir naglann á  höfuðið!

[Snjólaug A. Sigurfinnsdóttir, 9.1.2009 kl. 17:44]

Takk fyrir þessa skilgreiningu, mætti halda að ég hefði skirfað þetta.   Skoðaðu þá VG sem byggir rót sína á verkafólki, ekki finnur þú verkamenn þar í hópi lengur það er löngu búið að úthýsa þeim.