Aðsendur pistill - þörf lesning

Eftirfarandi pistill  barst mér í hendur og fékk ég góðfúslegt leyfi höfundar til að birta hann á bloggsíðu minni.

             

 Hámenntuð þjóð?

• Við vöxt bankanna hér á landi undangengin ár hefur lítið verið
  gert til að gæta að hagsmunum viðskiptavina þeirra og
  almennings. Allar þær almennu leikreglur sem miða að auknu
  öryggi fólksins í landinu voru settar til hliðar. Tryggt var að
  eftirlitsstofnarnir væru veikar og nægilega veikar til að þær
  gætu ekki gert kröfur til bankanna eða tafið vöxt þeirra.
   

• Allt var veðsett svo koma mætti með fé inn í landið en
  gríðarlegur vöxtur bankanna byggði m.a. á veðsetningu eigna
  í sjávarútvegi.

•  Svipaðir atburðir höfðu áður gerst hér eða þegar siðareglur
  voru settar til hliðar árið 1998 svo deCODE fengi tækifæri til
  að búa til verðmæti úr heilsufarsupplýsingum. Ekkert skildi
  tefja við “sköpun” söluafurða. Siðanefndir voru settar af og
  nýjar skipaðar fólki sem ekki myndi þvælast fyrir.
  Ríkisbankarnir voru látnir kaupa hlutabréf í nýja fyrirtækinu til
  að undirstrika velþóknun stjórnvalda og senda skilaboð til
  fólks um að veðja á það sama.

•  Peningar hafa flætt um þjóðfélagið með viðeigandi áhrifum á
  hugsun manna og dómgreind. Ekki hefur verið gerður
  greinarmunur á þeirri “mötun” sem flestir skólar sjá um og
  þeirri fræðslu og gagnrýnu hugsun sem þeir ættu að sinna.
  Því þarf ekki að undra þó stefna Háskóla Íslands sé að skólinn
  verði meðal 100 “bestu” háskóla heimsins. Lítið hefur borið á
  umræðu um afleiðingar óraunhæfra markmiða.

• Nú hefur flæði peninganna stöðvast eins og sést í úthverfum
  borgarinnar þar sem hálfrisnar byggingar marka jaðar
  rennslisins. Byggingar sem byrjað var á án tillits til hvort
  einhver þyrfti á þeim að halda. Fáeinir töldu sig geta grætt á
  þessu en heildarmyndin var aldrei skoðuð enda ekki gróðavon
  í því. Nú er tapið allra.