Auglýsingar í áramótaskaupi

Jæja, þá er nú svo komið, að ákveðið hefur verið, að rjúfa áramótaskaupið með auglýsingum.  Minnir mig á, að rétt í þessu var fjallað um það í Speglinum, fréttaauka Ríkisútvarpsins, að loksins hefði tekist að sanna, hvar hann væri að finna, þennan dularfulla „homo ekonomus", það er að segja það fyrirbæri, sem eingöngu hugsar út frá veraldlegum auði.  Færustu vísindamenn í sinni grein, hafa sem sagt komist að því, að „homo ekonomus" er ekki maður, heldur simpansapi.  Vísindamennirnir komust að því, að þegar karlsimpansa eru gefnir tíu bananar, étur hann þá alla sjálfur en hirðir ekkert um kerlingu sína eða afkvæmi.  Aftur á móti virðist maðurinn, þrátt fyrir allt, þannig gerður, að hann hefur siðferðilegt viðmið, varðandi veraldleg gæði.  Auðvitað getur það viðmið brenglast; en það er samt til staðar.  Nema hjá RÚV! 

Hvað veldur?

Athugasemdir

[Brjánn Guðjónsson, 22.12.2007 kl. 01:36]

verður nokkur sem sér þessa auglýsingu? verður þetta ekki bara kærkomið pissuhlé fyrir ölþyrsta íslendinga á gamlárskvöld?

það verða örugglega margir sem verða fegnir að geta skroppið á postulínið án þess að þurfa kannski að missa af fyndnasta atriði skaupsins (eða eina fyndna atriðinu). það verðir forvitnilegast að komast að hverjir reynast svo vera þeir apakettir að fjármagna þessar pissuferðir landans.

[Greta Björg Úlfsdóttir, 22.12.2007 kl. 12:40]

Pissupásur...fínt...