Er nektardans vændi?

Það kemur nokkuð undarlega fyrir sjónir, en samkvæmt íslenskum lögum er vændi því aðeins bannað, að það fari fram fyrir milligöngu þriðja aðila.  Óneitanlega er það nokkuð svipað því, ef mönnum væri heimilað að brjótast inn hjá fólki, svo fremi, sem þeir stæðu einir að innbrotinu.  Því flýgur mér þetta í hug, að í kjölfar neitunar Reykjavíkurborgar á rekstrarleyfi til nektardansstaða, telja eigendur þeirra sig misrétti beitta og hóta málaferlum.

Ekki fer milli mála, að eigendur nektardansstaða eru milligöngumenn milli nektardanmeyja og þeirra, sem á þær horfa.  Um þetta eru allrir á einu máli.  En eftir er að skilgreina fyrirbærið nektardans, sem og vændi.  Í mínum huga er hér í raun um eitt og hið sama að ræða.  Konur (í flestum tilfellum) selja líkama sinn, ýmist til beinna lostaathafna, þ.e.a.s. samfara án tilfinningatengsla, eða til að vekja ókunnugu fólki losta með nektardansi.  S.k. „kjöltudans" hlýtur hins vegar fremur að flokkast undir lostaathafnir en nektardans.  Eigi þessi skilgreining mín við rök að styðjast, hljóta eigendur nektardansstaða að teljast milligöngumenn að vændi. 

Nú ætla ég ekki að fullyrða, að mín skoðun sé rétt.  En fari mál nektardansstaðanna fyrir dóm, verður fróðlegt að sjá, hvernig dómstólar skilgreina hugtakið vændi.  Víð skilgreining á hugtakinu mundi tvímælalaust torvelda rekstur vændis og allt það, sem honum fylgir, t.d. mansal og eiturlyfjasölu.  Þröng skilgreining væri vatn á myllu þeirra afla, sem telja, að gróðavon eigi sem minnst að lúta siðferðilegum viðhorfum.

Athugasemdir

[conwoy (IP-tala skráð) 24.11.2007 kl. 20:33]

Svangur maður, er horfir lengi á girnilega köku í borði bakarans kaupir hana að lokum, og snæðir .

Konur sem fá mörg tilboð eftir dans á stripp stað, eru einhverjar að segja já .

Því minni dans, því minna vændi . Gefur auga leið ! 

[Hróðmar Vésteinn, 24.11.2007 kl. 20:59]

Einkadans og vændi er heilagur og fallegur hlutur.

[Ragnar Geir Brynjólfsson, 24.11.2007 kl. 23:00]

Þetta er í öllu falli dæmi um starfsemi þar sem nekt starfsfólksins er höfð að féþúfu og hætt er við að eitt leiði af öðru. Það skýrir kannski að skyndilega heyrast viðhorf þess efnis að vændi eigi að vera refsilaust. Trúlega hefur áralangt umburðarlyndi síðustu ára gagnvart nektardansi og klámvæðingu haft þessi óheillavænlegu áhrif. Best er að reyta arfann á meðan hann er lítill en ekki þegar hann er orðinn að vandamáli. Meinin sem af þessu stafa eru kannski ekki sýnileg en það þýðir ekki að þau séu ekki raunveruleg svo sem siðferðilegt og tilfinningalegt niðurbrot einstaklinga, sambönd í hættu eða brostin, aukin kvenfyrirlitning og fleira í þeim dúr má líklega nefna.

[sigsæm (IP-tala skráð) 25.11.2007 kl. 12:25]

Mér þykir þetta vera ein undarlegasta birtingarmynd kvennabaráttunnar, þegar tiltekin og viðurkennd afbrot eru gerð leyfileg, þegar konur fremja þau, og tryggt er að karlmaður (hórumangari ) græði ekki á afbrotinu. Það er ljóst þykir mér, að með vændi, eru konur (í flestum tilvikum ) að egna fyrir kynsvelta og þurfandi karlmenn, sem í mörgum tilfellum er ekki sjálfrátt sökum drykkju eða lyfjavímu  Að tala um að þessir vesalings menn séu að misnota kvenfólk er algjör umsnúningur á því sem rétt er. Og að gera þá að glæpamönnum, en ekki þann sem selur glæpinn, vændiskonuna, er algjört bull. Ef vændiskonan má selja aðgang að líkama sínum, á að vera leyfilegt að kaupa. Og hórumang er þá ekki heldur hægt að banna ,frekar en aðra heildsölu. Best væri kannski að koma upp umboðsskrifstofu fyrir vændi undir handleiðslu þeirra sem er svo umhugað um sérréttindi kvenna. Þá er hægt að hafa réttindabaráttu og uppfræðslu á sama stað og ráðningarþjónustu. Og koma í veg fyrir mansal ? og eiturlyfjasölu  sem talið er að þrífist á svipuðum slóðum og vændi. Kannski væri hægt að auka virðingu starfsins og fá í þetta heiðarlegar og löghlíðnar stúlkur, sem telja fram til skatts, og selja ekki dóp eða stela peningum af gamlingjum eða meðvitundarlitlum og útúrdrukknum mönnum.

[Iceman (IP-tala skráð) 25.11.2007 kl. 13:28]

Þvílík vitleysa hér á ferð. Auðvitað er einhver prócentutala af stripprum mellur en ekki allar svo ekki drepa póst fyrir prest eða hvað máltækið segir. Vændi hefur alltaf og mun alltaf vera til og í mínum augum er það af hinu góða. Mannskepnan er nú einu sinni þannig að samfarir er eithvað sem við þurfum að gera, þess vegna held ég að það sé betra að hafa nokrar vændiskonur (sjálfviljugar) fyrir þá sem ekkert fá heldur enn að hafa fleyri nauðgara á götuni. Ég held að vændiskonur fækki nauðgurum til muna. 

[Svartinaggur, 2.12.2007 kl. 10:39]

Sammála síðasta ræðumanni. Kannski ætti líka að vera refsivert að sitja fyrir á síðum Playboy?