Tvöföldun Suðurlandsvegar

Í vetur leið varð nokkur upphlaup hér á Suðurlandi, vegna seinagangs við breikkun Suðurlandsvegar.  Voru þá reistir krossar til minningar um þá, sem farist hafa í umferðarslysum á veginum undanfarna áratugi.  Krossar þessir standa undir Kögunarhól.

Það vantaði ekki, að stjórnmálamenn allra flokka lýstu fjálglega yfir samstöðu sinni við íbúana, varðandi þetta brýna öryggismál.  Tvær skyldu akgreinarnar vera í hvora átt, milli Reykjavíkur og Selfoss.  Einnig skyldi innan skamms hefja samskonar framkvæmdir á Vesturlandsvegi.  Og veitir víst ekki af.

Vegamálastjóri hefur hins vegar bitið það í sig, að nóg sé að hafa s.k. 2+1 veg, það er að segja, tvíbreiðan í aðra áttina en einbreiðan í hina.  Nú gengur sá orðrómur fjöllumun hærra, að hann virðist ætla að hafa sitt fram, í fullkominni óþökk almennings og stjórnmálamannanna einnig, séu orð þeirra marktæk.

Er ekki orðið tímabært, að alþingismenn reki af sér slyðruorðið og sýni vegamálastjóra fram á það, að hans hlutverk er að gera það, sem Alþingi ákveður, en ekki að taka ákvarðanir?

Athugasemdir

[Sigurður Hreiðar, 23.7.2007 kl. 09:36]

Sæll, gamli samstarfsmaður.

Langar aðeins að biðja þig að staldra við og íhuga hvort 2+1 er með öllu galinn millileikur.

2+2 þarf að fara í umhverfismat. Það þýðir tveggja ára töf áður en hægt verður að byrja á framkvæmdum við 2+2 sem akhæfan veg.

2+1 væri hægt að byrja á með fárra vikna fyrirvara og á löngum köflum hægt að miðað þá framkvæmd við að hún nýtist að hluta eða mestu þegar umhverfismati vegna 2+2 lýkur og hægt að byrja á þeirri framkvæmd þegar hún kemur.

Ég hef átt langar umræður um þetta mál við verkfræðinga og er orðinn sannfærður 2+1 -sinni sem millileik til að fá öruggari veg og greiðfarnari austur yfir fjall sem fyrst.

[Högni Jóhann Sigurjónsson, 23.7.2007 kl. 10:03]

Sæll granni, þetta er einmit málið vegamálastjóri virðist ætla að hafa sitt fram og ja flest orð þingmanna eru ómarktæk því að pólitíkusar eru snillingar í því að snúa útúr og útskýra hvað þeir í raun meintu.

Sigurður Hreiðar það þarf ekki að taka tvö ára að gera umhverfismat, fyrir utan að því fyrr sem byrjað er á því því fyrr verður hægt að byrja framkvæmdir og það er mun dýrara bæði í verklegri framkvæmd og slysum að fara 2+1 leiðina.

[Högni Jóhann Sigurjónsson, 23.7.2007 kl. 16:26]

Þetta er einfalt slembi, allur undirbúnigur fer tvisvar fram,allar mælingar fara tvisvar fram, útboð fer tvisvar fram, fara burt með tæki og tól til þess eins að koma með það aftur kostar, tafir á einni akrein vegna þess að hún annar ekki kostar, slys á starfsmönnum mun kosta ef 2+1 verður ofaná fyrir utan tafir umferðar, að vera með víradrasl eða hvaðeina annað á miðjum vegi kostar því þar sem snjóar og snjór skefur í skafla þarf að vera hægt að koma honum eitthvað, og svo er alltaf þessi spurning hvoru megin á 2 að vera og hvoru megin á 1 að vera?

[Sigurður M Grétarsson, 23.7.2007 kl. 17:09]

Það er ekki vegamálastjóri, sem ákveður með þessar framkvæmdir heldur sagönguráðherra. Ef vegamálastjóri hefur fengið sitt fram þá er það vegna þess að honum hefur tekist að sannfæra samgönguráðherra. Ég vil einnig minna á það að fyrrverandi samgönguráðherra talaið líka um að það þyrfti að fara í 2+1 veg fyrst vegna þess að það er búið að gera umhverfismat fyrir hann og því hægt að hefja slíkar framkvæmdir með stuttum fyrirvara.

Ég veit ekki hversu langan tíma þarf í umhverfismat fyrir tvöfaldan veg en ég efast um að það sé hægt að gera það á mikið skemmri tíma en tveimur árum fyrir alla leiðina milli Reykjavíkur og Selfoss.

Þegar menn tala um meiri kostnað við 2+1 millileið þá fer það að sjálfsöðgu eftir því hversu lengi sú millileið á að standa vegna þess að fjármagnskostnaður kemur þar líka við sögu. Reyndar er það svo að miðað við umferðaspár mun 2+1 vegur duga á þessari leið til ársins 2030. 2+1 vegur fækkar banaslysum og alvarlegum umferðaslysum jafn mikið og tvíbreiður vegur en það munar einhverju á skemmdum á bílum og þá væntanlega fyrst og fremst vegna bíla sem skrapa vegriðið á milli. Spurningin um 2+1 veg eða tvíbreiðan veg snýst því ekki um umferðaöryggi heldur aðeins um afkastagetu vegarins. í dag er umferðin um veginn innan við tíu þúsnd bílar á sólahring og 2+1 vegur getur afkastað milli tuttugu og þrátíu þúsund bíla umferð á sólahring.

Bæði formaður rannsóknarnefndar umferðaslys og helstu sérfræðingar umferðastofu mæla með að frekar verði því takmarkaða fé, sem er til ráðstöfunar í þessar vegaframkvæmdir, nýtt til að gera 2+1 vegi en tvíbreiða vegi vegna þess að þannig er hægt að leggja tvisvar til þrisvar sinnum lengri vegi með hindrun milli aksturstefna heldur en ef gerður er tvíbreiður vegur.

Talsmenn tvíbreiðs vegar hafa bent á að hluti fjárfestinga i 2+1 vegi muni fara til spillis þegar farið er út í tvíbreiðan veg ef hann verður lagður, sem tveir tveggja akgreina vegir með bil á milli í stað þess að hafa veg með fjórum akreinum og vegriði á milli. Í því efni má aftur benda á fjármagnskostnað og einnig vil ég benda á aðra lausn.

Hún felst í því að í stað þess að gera þríbreiðan veg með vegriði á milli þar, sem skipti verða á milli eins og tveggja akrein í hvora átt þá verði farin sú leið að gera tvíbreiðan veg í bútum og hafa vegrið milli 1+1 akreina á millu bútanna. Það getur varna skipt máli hvort helmingur leiðarinnar í hvora átt er einbreiður og helmingur tvíbreiður með þeim hætti að skipta um akstursstefnur á miðakrein þríbreiðs vegar eða hvort það er gert með því að tvöfalda einfaldlega helming leiðarinnar. Reyndar held ég að hægt væri að tvöfalda meira en helming leiðarinnar fyrir sama pening og 2+1 vegur kostar með því að velja á kafla á leiðinni, sem ódýrastir eru til vegalagningar til tvöföldunar. Þannig gætu menn valið kafla með fáum brúm og gatnamótum til að tvöfalda og skilið hinn hlutan eftir til seinni tíma. Ég tel líka að það fari saman að þeir kaflar, sem eru ódýrastir til vegalagningar séu líka þeir kaflar, sem eru einfaldastir hvað umhverfismat varðar og ættu því að vera hægt að hefjast handa á þeim fljótlega.

Kosturinn við þessa leið umfram 2+1 leiðina, sem millileið, er sá að með þessari aðferð fer minna til spillis þegar tvöföldun fer fram á endanum. Í stað þess að þriðja akreinin alla eða mest alla leiðina fari til spillis eru það aðeins skáreinar milli tvöföldu og einföldu hlutana, sem fara til spillis. Menn geta síðan bætt við tvíbreiðum hlutum með þeim hraða, sem hentar hverju sinni þannig að á endanum verður öll leiðin tvöföld. Ég hugsa reyndar að ef þetta er gert svona muni tvöföldun alla leið verða fyrr komin til framkvæmda en ef menn fara 2+1 millileið einmitt vegna þess hversu mikið minna fer til spillis miðað við 2+1 millileið.

Reyndar geri ég ráð fyrir að eitthvað þurfi að breikka 1+1 hlutana til að geta sett vegrið á milli en það er mun minni breikkun heldur en þarf til að búa til 2+1 veg og sú breikkun gætu svo síðar nýst til að gera hjólreiðaleið meðfram veginum en það vex alltaf þörfin fyrir slíkt með hverju ári. Nýlegt alvarlegt slys á reiðhjólamanni á Vesturlandsvegi er til marks um það.

[Högni Jóhann Sigurjónsson, 23.7.2007 kl. 23:33]

Þið Slembinn og Sigurður, notið þið Suðurlandsveg til að fara til og frá vinnu eða farið þið oft um Suðurlandsveg ?