Úrslitin í Firðinum: Sigur lýðræðisins

Jæja, þá hafa Hafnfirðingar kosið um stækkun álversins.  Jafnari gátu úrslitin tæpast orðið.  Óþart að rekja tölurnar hér í smáatriðum; þær eru í öllum fjölmiðlum.  En þótt aðeins 50,06% þeirra sem kusu, hafi hafnað stækkuninni, þá hlýtur það að teljast sigur, miðað við hinn mikla aðstöðumun fylkinga, hvað fjármagn varðar.  Í mínum huga hefur Mammon hér mátt lúta í lægra haldi fyrir lýðræðinu.  Vonandi boðað það vorkomu í íslenskum stjórnmálum.

Hitt er svo annað mál, að ætli Samfylkingin að njóta þýðra vorvinda, dugir henni ekki, að hampa afstöðuleysinu einu saman, eins og bæjarstjórnarmeirihluti hennar í Firðinum gerði í þessu máli.  Hún verður einfaldlega að fara að skipta sér af stjórnmálum.  Innan hennar raða eru uppi hugmyndir, sem vissulega eiga erindi út í umræðuna, rétt eins og gerist meðal annarra stjórnmálaflokka.  En forystumenn Samfylkingarinnar verða að gera sér ljóst, að hika er sama og að tapa.  Það er hætt við því, að úrslitin í Hafnarfirði, munu staðfesta gildi þeirra orða.

Athugasemdir

[Guðmundur Jónas Kristjánsson, 1.4.2007 kl. 01:39]

Sigur vinstra-afurhaldsins er niðurstaðan. Upphaf kreppunar!. Og ykkur
virðist fjandans sama um að á annað þúsund einstakllinga sem á allt sitt
lífsviðurværi undir þessu lang stærsta fyrirtæki Hafnarfjðar neyðist til að
hætta innan fárra ára. MANNVONSKA vinstrimennskunar í hnotskurn!