Lítið kvæði um gjafir til góðgerða

Séra Helgi Sveinsson prestur í Hveragerði þótti skáldmæltur vel og ekki laust við, að stundum væri nokkur broddur í kvæðum hans og vísum.  Hér kemur eitt dæmi:

 

Þegar sektin sækir að

sálarfriði manna,

flýja þeir oft í felustað

frjálsu góðgerðanna.

 

Til að öðlast þjóðarþögn,

þegar þeir aðra véla,

gefa sumir agnarögn

af því, sem þeir stela.