Vændislögin-andvökulög

Merkileg virðast þau vera, þessi nýju vændislög.  Ég verð að vísu að játa, að ég hef ekki lesið þau, aðeins fylgst með umræðum um þau í fjölmiðlum.  En ef minn skilningur fer nærri lægi, þá er heimilt, að selja eigin líkama til kynlífsathafna, en hins vegar bannað að hagnast á vændi annarra.  Þetta mun væntanlega þýða, að vændið verður að vera rekið, af þeim, sem stundar það. 

Þar sem vændi, merkir það sama og kynlífsathafnir gegn gjaldi, þá er augljóst, að hér verður um atvinnutekjur að ræða og því skattskyldar.  Þess vegna ber að fagna því, að ónefndur maður, sem fengið hefur sér virðisaukanúmer út á vændi, hyggst kæra fjármálaráðherra fyrir hönd ríkissjóðs, fyrir að þiggja tekjur af vændi annarra.  Það verður fróðlegt, að fylgjast með lyktum þessa máls.

En hvernig er það, var umrætt frumvarp ekki samþykkt af hálf sofandi þingmönnum undir lok þingsins?  Ég ætla bara rétt að vona það, svo maður þurfi ekki að leita annarra og alvarlegri skýringa á ruglinu.