Til varnar Þjórsá

Rétt í þessu kom ég af fundi, sem Náttúruverndarsamtök Suðurlands og Sól á Suðurlandi héldu í Árnesi í Gnúpverjahreppi.  Tilefni fundarins var að mótmæla fyrirhugðum náttúruspjöllum í formi virkjana í Þjórsá.  Því miður var mér ekki kleift að sitja allan fundinn.  En þótt ég neyddist til að staldra heldur stutt við, fór það ekki framhjá mér, að mikill hugur var í fólki.  Fundarsalurinn var yfirfullur og urðu margir að standa sökum þrengsla.

Eins og menn vita er æltunin, að sú raforka, sem nú á að mjólka úr Þjórsá, nýtist álverinu í Straumsvík, fari svo illa, að Hafnfirðingar samþykki stækkun þess í almennri atkvæðagreiðslu, sem væntanlega fer fram í næsta mánuði.  En mér er spurn; hvers vegna er ekki kosið um þetta mál á Suðurlandi?  Tæpast er þetta mál Hafnfirðinga einna, þegar stórspilla á náttúru Suðurlands, bæði með virkjunum sjálfum og viðeigandi línulögnum.

Athugasemdir

[Meistari (IP-tala skráð) 11.2.2007 kl. 17:17]

Það var gert ítarlegt mat á umhverfisáhrifum fyrir þessar virkjanir. Fólki var í lófa lagið að koma með athugasemdir þá. Þetta var mikið kynnt, m.a. haldnir kynningarfundir beggja vegna Þjórsár sem og í Reykjavík. Það þýðir ekkert að sitja kyrr og þegja meðan það ferli er í gangi og ætla svo að bregðast við með látum þegar á að fara að framkvæma.

[Sigurður Ásbjörnsson, 11.2.2007 kl. 19:43]

Núna er verið að kynna breytingar á aðalskipulagi Skeiða- og Gnúpverjahrepps vegna þessarra framkvæmda.  Þeir sem eru andvígir framkvæmdunum geta sent athugasemdir til skipulagsfulltrúa uppsveita Árnessýslu og farið fram á að áformin verði tekin af aðalskipulagi.  Enda deginum ljósara að landeigendur og bændur á svæðinu ætla sér að nota landið í annað.  Nánari upplýsingar eru hér. http://www.sveitir.is/skipulagsfulltrui/auglysingar/