Byrgið og SÁÁ

Athyglisvert var að sjá viðbrögð Þórarins Tyrfingssonar formanns og yfirlæknis SÁÁ við hörmungunum í Byrginu.  Hann snaraði sér í sjónvarpið, snöfurmannlegur að vanda og lýsti yfir vandlætingu (heilagri?) sinni á því, að Hvítasunnumenn yrðu látnir taka við vistmönnum úr Byrginu.  Kappinn taldi nefnilega, að meðferð gegn eiturlyfjum ætti að vera „fagleg", hér væri sko um sjúkdóm að ræða.  Því til staðfestingar vitnaði hann meira að segja í Alþjóða heilbrigðisstofnunina.  Og hana nú!

Ég man ekki betur en SÁÁ hafi verið stofnað að tilstuðlan fyrrverandi drykkjumanna, sem að eigin reynslu voru sannfærðir um, að best færi á því, að meðferðastofnanir væru reknar af þeim, sem sjálfir hefðu sigrast á ofneyslu, hvort heldur var áfengis eða eiturlyfja. 

Auðvitað þurfa meðferðastofnanir að nýta sér þjónustu lækna og annars hjúkrunarliðs, enda koma margir í meðferð, beinlínis í hættulegu ástandi.  Hinu má ekki gleyma að það er til lítils að koma mönnum í þokkalegt líkamlegt ástand ef ekki fylgir meðferð á andlegu ástandi og félagsleg úrræði þar sem þeirra er þörf.  Aðalatriðið er, að meðferðin sé rekin í anda AA-samtakanna, sem m.a. byggir á trúarlegum grunni.  Það má aldrei gleyma því, að þann sem ekki trúir á æðri mátt, skortir veg til að fóta sig á. 

Hitt er svo annað mál, eins og svo átakanlega sannaðist í Byrginu, að að allar stofnanir, sem annast meðferð eiturlyfja- og drykkjusjúklinga, verða að vera undir opinberu eftirliti.  Það á jafnt við um Hlaðgerðarkot, sem Hvítasunnumenn reka og Staðarfell, sem SÁÁ starfrækir.

Athugasemdir

[Birna Dis Vilbertsdóttir (IP-tala skráð) 7.2.2007 kl. 11:48]

Sammála þér. Fíknisjúkdómar eru félagslegur-líkamlegur og ANDLEGURsjúkdómur.Kannski Þórarinn Tyrvingsson viti það ekki.Það verður að meðhöndla hann sem slíkann ef árangur á að nást.Það væri kanski betri árangur af meðferðaúrræðum SÁÁ ef ANDLEGI þáttur sjúkdómsins yrði viðurkenndur

[Guðjón Sigurðsson, 7.2.2007 kl. 15:34]

Eg veit eki betur en að alir sem starfa hja SAA seu alkholistar sem hafa nað bata. Þorarin hefur alltaf sagt að sjukdomurin væri likamlegur, andlegur og felagslegur.Hvernig ætli standi a þvi að læknar fra t.d. Sviþjoð,og anarstaðar a norðurlöndunum koma til SAA til að læra af meðferðini sem Þorarin biður upa.

[Pjetur Hafstein Lárusson, 7.2.2007 kl. 17:58]

Ég get ekki svarað því, hversvegna Skandinavar koma enn til Íslands til að kynna sér meðferðarúrræði SÁÁ. Sennilega er það þó vegna þess, að þar á bæ standa menn þeim enn á einhvern hátt framar á þessu sviði. En það breytir ekki því, að sú áhersla, sem Þórarinn lagði á „fagmennsku" í meðferðarmálum, bendir til afturhvarfs til fortíðar. Einu fagmennirnir í sjálfri alkameðferðinni, eru þeir sem náð hafa bata sjálfir. Það er kjarni málsins eins og viðurkennt var með stofnun SÁÁ. Niðrandi ummæli Þórarins um þátt trúarsamfélaga í meðferðarmálum, voru sömuleiðis lítt við hæfi.

[SigrúnSveitó, 7.2.2007 kl. 21:19]

AA byggir á andlegum, ekki trúarlegum grunni.  Það er munur þar á.

[Eyjólfur Garðar svavarsson (IP-tala skráð) 7.2.2007 kl. 22:00]

Margir yfirmenn hjá sáá eru óvirkir alkoholistar, þessi stofnun er byggð upp af óvirkum alkohólistum með mikla reinslu, og hefur þróast í gegnum áratugi,ég hef séð margan mannin rísa upp úr eimdinni,sem talin var vera vonlaus,allt tal um raus í Þórarni Tyrfingsyni finnst mér vera vanhugsað, það finst ekki maður með meiri reinslu á þassu sviði hérlendis, og hefði að mínu mati verið betur farið með peniga skattgreiðenda að láta þessar 300 miljónir renna til sáá svo að þeir geti tekið við fleirum skjólstæðingum.

[Guðjón Torfi Sigurðsson (IP-tala skráð) 8.2.2007 kl. 00:15]

"Það má aldrei gleyma því, að þann sem ekki trúir á æðri mátt, skortir veg til að fóta sig á."

Hvað áttu við með þessu? Ertu að tala um fíkla eða fólk almennt?

[Jón Gunnar Gylfason, 8.2.2007 kl. 07:33]

Mér þykir nokkuð ljóst á skrifum þínum að þú sért meðlimur í hvítasunnusöfnuðinum eða álíka félagsskap. Hvernig væri að skilgreina fagmennsku?? er fagmennska búin til í skólum eða getur hún verið tilkomin vegna áralangrar reynslu? hitt er þó allveg ljóst að trúarfélögin hvað sem þau heita hafa ekki náð að hjálpa fólki á sama hátt og S'A'A hefur gert enda meginn markmið þeirra trúboð og því miður oft uppfullt af öfgum og ránghugmyndum og fólk sem jafn lágt sjálfsmat og virkir alkar eru auðveld bráð. látum S'A'A um fikniefnamálinin og trúfélögin um samkomur og trúboð.

[Óskráður Anonymous (IP-tala skráð) 8.2.2007 kl. 09:45]

Svakalegur hroki gagnvart trú sem hefur litað þessa Byrgisumræðu, sbr. ummæli nr. 7 hér að ofan. Maður fílar sig eins og glæpamann að vera grunaður um trú. Skárra að játa á sig sadó-masó eða eitthvað álíka.

Rétt er það að AA-hugmyndafræðin byggir á andlegri reynslu, sambandi við æðri mátt, óháð trúarbrögðum (sbr. nr. 4). Slíkt samband er mannskepnunni eðlislægt þótt vísindin hafi bælt þörfina mjög á okkar tímum. Annað grundvallaratriði er að menn ná bata með því að hjálpa öðrum í sömu sporum. Lykilhugtak er þjónusta. Árangur SÁÁ felst í því að menn viðurkenna þetta.

Reyndar voru læknar í Bandaríkjunum á fjórða áratug 20. aldar farnir að horfast í augu við að andleg reynsla hefði lækningamátt gegn ofdrykkju. Þetta er ekki ný umræða.

Ég bendi á heimasíðu AA á Íslandi aa.is og hvet fólk til að kynna sér málin fordómalaust.