Umboðsmaður skuldara?

Fari skilningur minn nærri lagi, er umboðsmanni skuldara ætlað að standa vörð um hagsmuni skuldara, ekki aðeins gagnvart lánastofnunum, heldur einnig ríkisvaldinu.  Fyrra atriðið er vonandi öllum ljóst og hið síðara ætti einnig að vera það.  Það er nú einu sinni svo, að ríkisvaldið hefur síðasta orðið, þegar kemur að lagasetningu um lánastarfsemi, sem og annað.

Af þessum sökum er mikilvægt, að sá sem gegnir embætti umboðsmanns skuldara standi í lappirnar gagnvart þeim flokkum, sem fara með ríkisvaldið hverju sinni. Augljóst er, að nýskipaður umboðsmaður skuldara, mun aldrei fá um frjálst höfuð strokið gagnvart Samfylkingunni, enda stendur það ekki til.

Því miður virðist enn hafið yfir allan vafa, að Samfylkingin, jafnt og aðrir flokkar, tekur flokkshagsmuni fram yfir þjóðarhag.  Þannig veikir hún getu ríkisins, til að standa vörð um heill og hamingju þegnanna.  Gleymum því ekki, að það voru einmitt þessir starfshættir, sem orsökuðu hrunið 2008!

 

Athugasemdir

[Dingli, 27.7.2010 kl. 01:57]

Umboðsmaður skuldara?  Ég segi það nú líka! Er ekki nóg að skilanefndirnar og ríkisstjórnin geri sitt besta? Sjáið Óla Ólafs, nú eða BB., báðir á grænni! Það er okkur rukkarana sem sem vantar aðstoð.