„Konur misnota líka börn"

Í Fréttablaðinu í gær, laugardag, er viðtal við Sigrúnu Sigurðardóttur, doktorsnema í lýðheilsufræðum.  Fjallar hún þar um rannsóknir sínar á kynferðislegri misnotkun kvenna á börnum, einkum drengjum.

Ég hvet fólk til að lesa þetta viðtal, enda er hér tekið á máli, sem hingað til hefur ekki mátt ræða.  Kynferðislegt ofbeldi gegn börnum, hefur alfarið verið skrifað á reikning karla.  Stundum hefur mér jafnvel þótt jaðra við, að sumir femínistar noti umræður um þessi mál, málstað sínum til framdráttar. 

Hér á árum áður, heyrði ég stundum fullorðna menn stæra sig af því,í margmenni, að fullorðnar konur hafi tekið þá með sér í bólið, þegar þeir voru enn á barnsaldri eða unglingar innan sjálfræðisaldurs.  Þeir áttu það allir sameiginlegt, að samskipti þeirra við gagnstæða kynið voru mjög brösótt, enda var sjálfsmynd þessara manna brostin.  Þetta var á áttunda áratug síðustu aldar.  Þá var enn langt í umræður um kynferðislega misnotkun, hvort heldur karla eða kvenna á börnum.  Mennirnir skildu því sjálfir ekki sín eigin örlög.

Nú þarf að taka þessi mál til öfgalausrar umræðu, spyrna við fæti og veita jafnt gerendum sem þolendum viðeigandi aðstoð.

Athugasemdir

[Jón Sigurgeirsson , 25.4.2010 kl. 23:44]

Þetta er athyglivert. Mér hefur boðið í grun að munur á kynjunum varðandi afbrot sé ekki jafn mikill og fjöldi fanga segir til um heldur sé oft litið að brot kvenna mildari augum en karla. 

 Tökum sem dæmi um vændi. Í því broti þarf kaupanda og seljanda. Konur líta ekki á brot konunar vegna þess að hún á svo bágt, er í vímuefnum. Kalli Bjarni gat ekki notað það sem afsökunn þegar hann smhyglaði eitri