Látum ekki göbbelískan áróður blekkja okkur

Hvers vegna er fjárhagsstaða okkar Íslendinga eins og raun ber vitni?  Er það vegna þess að Bretar og Hollendingar séu heldur svona illa þenkjandi fólk, sem eigi sér þann draum æðstan, að koma okkur fjandanst til?  Hæpið.

Horfum nokkur ár aftur í tímann.  Hverjir gáfu ríkisbankana ábyrgðarlausum vinum sínu?  Hverjir sáu til þess, að allt eftirlit með bönkunum var í skötulíki, eftir að þeir voru komnir í hendur fjárglæframanna?  Svarið er, Sjálfstæðismenn og Framsóknarmenn undir forystu Davíðs Oddssonar og Halldórs Ásgrímssonar.

Og hverjir lugu fjármálayfirvöld á Bretlandi og í Hollandi full, og töldu þeim trú um, að landsbankinn stæði föstum fótum og því væri allt í stakasta lagi með Icesave?  Það voru Sjálfstæðismenn og Samfylkingarmenn undir forystu Geirs Haarde og Ingibjargar Sólrúnar Gísladóttur.

Og takið nú eftir;  allrir þessir stjórnmálaflokkar og forystumenn þeirra höfðu á bak við sig lýðræðislega kjörinn meirihluta á Alþingi.  Sannleikurinn er nefnilega sá, jafn bitur og hann er, að meirihluti íslensku þjóðarinnar dýrkaði útrásarvíkingana.  Þetta voru „duglegu strákarnir okkar".  Meira að segja lýðræðislega kjörinn forseti lýðveldisins, gekk í broddi fylkingar og lofsöng þess menn, jafnt heima sem heiman.  Hvernig getur það hvarflað að nokkrum manni, að hann hafi vísað Icesave-samningunum í þjóðaratkvæði til annarrs, en að bjarga eigin skinni?

Nú eiga sér stað viðræður við Breta og Hollendinga, sem ef til vill geta skilað okkur betri samningum en þeim, sem kosið er um, ef til vill ekki.  Ég veit það ekki.   Og Bjarni Ben. og Sigmundur Davíð vita það ekki heldur.  En eitt vitum við; það semur enginn við þjóð, sem stendur ekki við orð sín!

Sitjum því heima, skilum auðu eða segjum já í þjóðaratkvæðagreiðslunni á morgun.  Látum ekki göbbelískan áróður blekkja okkur, það er of mikið í húfi.  Það er ekki hlutverk þjóðarinnar, að skera óábyrga stjórnmálamenn niður úr snörunni, sem þeir hafa sjálfir komið sér í.

Athugasemdir

[ragnar bergsson, 5.3.2010 kl. 23:22]

Veistu hvort þú ert að koma eða fara ertu að mæla með því að landið verði gjaldþrota vegna skulda einkabanka???

[Júlíus Björnsson, 6.3.2010 kl. 04:18]

Það skiptir engu hver er í ríkisstjórn þetta er allt undirmáls heilar á mælikvarða þroskaðra ríki. Skilja ekki eins hvað: Development þýðir og merkir. Það eru um 30 ár síðan Bankarnir gátu ekki sent bréf til meginlandsins án þess að vera sér til skammar.

Exel dregur ekki ályktanir. Hér kann engin lengur að reikna. Tunglumáþýðingar og mentun miðast við lágstéttar skilning. Alþjóða Fjármálheimurinn leyfi okkur að hafa sig að fíflum. Hér er ekki einn Hagfræðingur sem skilur yfirstéttar hagfræði. Bananar vaxa upp að þroska og svo þroskast þeir.   

Íslendingar geta ekki staðið í fjámála viðskiptum við sér stærri aðila, það er staðreynd sem allir áttu að vita fyrirfram þótt að núverandi ríkistjórn hafi fórnið öll til að halda í vanþroska.

Styrkur okkar liggur í vöruviðskiptum. Gæðum frekar en magni.   

Íslendingar nutu lánafyrirgreiðslana í krafti EES. Því var haldið lengu og sagt að um væri að ræða snild manna sem varla stígas í vitið á þroskaðra mælikvarða.

Lestu skýrslur AGS. Það vissu allir þroskaðir aðilar allt um vanþroskann sem hefur ríkt hér frá 1994. 

Þegar þjóð tekur upp á því að skipta um orðforða [með ný merkingar röngum]vegna vankunnáttu sinnar þá er ekki við öðru að búast en það skil sér á 40 árum.  Það kallast í Anda Göbbels að kenna skipulagt ranga merkingu orða.  

[Finnur Bárðarson, 6.3.2010 kl. 18:11]

Góð athugasemd hjá Júlíusi